(مجلة كل الخواطر ) دا يبقى اية ---بقلم الشاعر \رأفت يوسف

،،،،،،،،،،،،،،،،،،،،،،،،،،،،،،،،، (دا يبقى إيه ) ،،،،،،،،،،،،،،،،،،،،،، بقلمي / رأفت يوسف
لما النفس يحضن شفايف 
بين بشر متلجمه 
لما النفس يركب حصان 
أحساس لناس جوه قلوبها مضلمه 
لما تدوس علي جرحي 
وتكون الخطى دايماً ياصاحبي مؤلمه 
لما يسيل الدم وسط أمه مسلمه 
ولما تشوف الطفل غرقان ع الرمال 
وكفوف خزانا وصمتنا 
علي خده باينه معلمه 
دا يبقي ايه 
يبقي الوطن ماشي في طريق الانهيار،،،،،،،،،،،،،،،،،،،،،،،
لما الكلام في الحلق يصبح تمتمه 
ونفسك تقيل يحضن شفايفك بالألم 
علي جرح صمتك بيه يميل 
أحساس جوارحه معتمه 
لما الضنا والطفل راح 
مسكين غريق راح البرئ 
علم علي كل الوشوش المظلمه 
لسانا عايشين كالنعام 
نستني من أيد العدو 
أحسان علي صمت الخراف 
لسانا أمه مهمله
دا يبقي ايه 
يبقي شموخنا في انكسار،،،،،،،،،،،،،،،،،،،،،،،،،،،،،،،
قوم يا نفس أحرق بنارك 
فوق شفايف بالسكوت صابها العسس 
أمسك لجام أحساس 
في ناس مات وأندفن 
جوه جسد مليان عفن 
ساكنه البرص 
أخرج مابين كل الضلوع 
أخرج جنين مارد وشق في الحشا 
صحي النيام وسط الربوع
أطفالنا بتموت غرقانين يلفظ جسدهم 
بحر فاض رمي جتتهم في الخلا 
تشريد وجوع دا يبقي ايه 
يبقي لتاريخنا أنحدار ،،،،،،،،،،،،،،،،،،،
أنفاس حاملها شعور غريب 
تحل علي كل الشفايف 
بين صمت غايب وموتً قريب 
تحلم تكون حصان صلاح الدين 
وصحبه الطيبين ، وتلف في كل البلاد
تضرب بسوط اصحوا ياكل الغفلانين 
وطنا بيضيع وأنتوا فين 
أطفالنا بتموت في الخلا 
ورضيتوا تبقوا مهزومين 
رجع تاريخك والوطن اللي أتسرق 
واحنا كسالي مغلوبين 
في شرعكم دايبقي ايه 
يبقي انهزام وشربنا بالصمت المرار ،،،،،،،،،،،،،
،،،،،،،،،،،،،،،،،،،،،،،،،،،،،،،،،،،،،،،،بقلمي/ رافت يوسف 
16/92015