(مجلة كل الخواطر ) النهاية ----بقلم الشاعر \صلاح الصغير

النهايه
.......................
خدى عندك يا مصيبه
يا نكديه و يا كئيبه
عايز أقولك كلمه واحده
وإحسبيها زى ماتحسبيها
...........................
قلبى منك طلعت عينه
طلعتى روحه الله يعينه
من زمان ومراره طافح
ندمان على عمره وسنينه
.................................
عيشتى معاك عذاب وهلاك
ياقلبى كان إيه اللى رماك
شربت المر ولا شىء بيسر
من غلبها كان ذل أساك
..................................
روحى وإنتى طالق بالتلاته
يامصنع مكن هم وغتاته
من زمان كان نفسى أقولها
يا أم لسان مطرق حداده
.............................
رد المدام عليه
قولت كل حاجه عندك
ناسى غباوتك وأساوتك
ناسى فقرك ناس شحك
بس اللى فاكره رجولتك
............................
من زمان نفسك تسيبنى
وعارفه إنك مش حاببنى
بس فقرك اللى رابطك
واللى حايشك هو إبنى
.............................
يابخيل والبخل طبعك
عمر يوم قلبى ماحبك
النصيب اللى رمانى
وحدفك عليا وخلانى جنبك
..............................
أخيرا هتفارق وهتبعد
وعمرى تانى هيجدد
يالا مع الف سلامه
إمشى انا مش هتهدد
............................
مش هرجع وأندم عليك
ولا هتحايل واقول خليك
وإبنك كبر ماشاء الله عليه
وخد لو باقيه حاجه ليك
................................
هو مع السلامه ياغمامه
هى روح فى سكة الندامه
‫#‏الجوكر‬
صلاح الصغير