جارى التحميل
استخدم زر ESC أو رجوع للعودة
حضنك معبدي
بقلم/ نجلاء على
................
فُكّي الضفاير وافردي
شعرك على الخصر النحيل
د انا جي ومعايا الدليل
على إن حُضنك معبدي
ومافيش لطعم الشوق بديل
يا معنى إحساس الصيام
وقت انطلاق مدفع فطار
والشهد من تمر النخيل
فُكّي الضفاير واطلقي
شعرك مع النسمات يميل
دانتي الجمال
وانتي الخيال
وانتي الأمل
وانتي لحياتي المحتمل
والبُعد هوّ المستحيل
يا ضحكة الحب الجميل
أنا بيكي عايش دنيتي
وان يوم خدتني غربتي
ح ارجع عشان
أشرب من الأشواق حنان
وادخل ف حضنك أحتمي
واشعر معاكي بالأمان
إسقيني من شهد الهوى
وانا عمري منُّه ما ح ارتوي
ولا عمري ح اشبع م الغرام
إسقيني قد ما تقدري
ح اشرب واقول ..
محتاج كمان
