(مجلة كل الخواطر ) ماتبكيش ------بقلم الشاعر \الصافى ابو عمار

ماتِبكِيش 
===== 
مَاشِي عليا ماتبكِيش 
قِيدى شموعك بالفرح 
صادق كلامى مو تبكيش 
حبى ف عيدانك طرح 
ماشِى عليّ ماتبكيش 
أرمى حمولك ع اللى خلق 
قبل القطع متخافيش 
يوصِل زياده من رزق 
ماشى وسواعدى مكسره 
حتى الحكايه مفسره 
انا معرفش ماشى لقدام 
ولا راجعه الخطاوي للورى 
.......
معرفش انا 
كالطير في قفصه انحبس 
يحاول يطير بالعبس 
يحسب حدود الدنيا 
هيا حدوده ف القفص 
.....
ماشى عيونك سكتى 
طفي لهيبى سكتى 
بعض الورق .. مثل الحرق 
يترك على الجسم علامات الحرق 
لمى الندى 
فوق الجروح والقروح انثريه 
من لابتدا 
انا قلت لك قولى وتعرفيه 
شايب شبابي من زمن 
لكن صفايا تعرفيه 
على السر انا مؤتمن 
لكن هواكى مقدهوش 
قولي ضعيف 
او خفيف 
أو حتي قولي شىء سخيف 
ميهمكيش انا قلت لك 
حلف الزمان م حلفتلك 
انا ماشى سكه متقدريش 
ماشى وعلىّ ما تبكيش 
وقيدى شموعك بالفرح