(مجلة كل الخواطر) انتى حبيبتى ---بقلم الشاعرة \ابتسام عوض حسن

إنتي حبيبتي 
وعمري ما أقولها 
لحد تاني
حتى لو دموعي
ما وقفتش
والفرحة في قلبي
ماصفيتش
وفي الدنيا كترت
أحزاني
وقلبي عمره 
مايعرف غيرك
حتى لو طار
منك طيرك
حافضل أقولك دايما
وحشاني
مهما بعدت أنا 
واتغربت
مهما شقيت أنا
ولا تعبت
برجع تاني
أقولك يا
زماني
عاشقة ترابك
وبكتب على بابك إنك
عجباني
بحبك وحبك
مولود فيا
مهما قسيتي
وجيتي عليا
حسامحك 
تاني
جوه عيوني 
صورتك مرسومة
وجوه قلبي 
شعرك منظومة
ولحنينك دايما
وخداني
بحلم بيكي 
دايما شجرة
وفروعها بتغطي الصحره
والدنيا كلها والعالم
وكلي 
أماني
في عينيكي 
كانت أحلامي
وبإيديكي
كبرت قدامي
وهمسك كله
علشاني
يا غالية 
يا أم الدنيا
ولا اغيبشي 
عنك ثانيه
وعلشانك حاثبت في
مكاني
ريحتك مسك
واكتر من العنبر
وحضنك بالدنيا
مايتقدر
وترابك أغلى وأندر
وبحبك على طول
وعداني
بقلمي المصرية ابتسام عوض حسن