جارى التحميل
استخدم زر ESC أو رجوع للعودة
زمان إيه اللى زار دارنا
**********************
زمان إيه اللى زار دارنا وساقى مُر أوتارنا
ولا قادرين نقول عايشين ولا للموت مقدرنا
زرع فينا العذاب والخوف ودبلت كل أزهارنا
بقينا ذكرى للماضى وحاضر فينا دمرنا
نعيش بالحلم ع الفاضى وصوت الوهم حيرنا
نخاف نبكى نقوم نحكى ونكشف كل أسرارنا
سواقى تدور عذاب مبدور وكٌتر الذل حسرنا
بنشكى مرار فى عز النار بتصرخ فينا أفكارنا
لفين رايحين بغدر سنين نقش إسمه على جدارنا
زمان إيه اللى زار دارنا وأحكامه بتِكسرنا
يموت فينا الضمير ما يعود ونخلق لينا أعذارنا
ويضرب فينا سهم الموت ويسرق كل أعمارنا
محمد سالم
