(مجلة كل الخواطر) سجال بين الشاعرة المتميزة \منى فهمى والشاعرالمبدع\ اسامة حامد

سجالي بالعامية مع المتألق أ/ الشاعر اسامه حامد
---------؛---------
أ/ اسامه
غيرت شكل المكان غيرت شكل البيوت
وقلبي مع الماضي مرتبط بالخيوط
وجرحي مع نفسي رماني بين يأسي
ياسنيني ياتسبيني ياتسيبي قلبي يموت
--------؛--------
ياحبيبي ليه بتهرب من الحقيقة
وبتعلق قلبك بالخيوط
الحب ديما منور زى الشمس
مش وهم وخيوط عنكبوت
تعالى نعيش حياتنا وأوعى أبدا
أبدا تفكر في الموت
دي الدنيا تحلى وأنت معايا ومالي البيت بأحلى صوت
-------؛--------
أ/ اسامه
---؛---
أنت وحى في كل شعري من سنين
وفي ضميري وجوا قلبي في كل حين
احرميني من عنيكي لو قدرتي
بس أشوفك قبل موتي بلحظتين
--------؛--------
لو حرمتك من عيوني
طب نظرتي هتكون لمين
دا أنت عمري وحياتي وأنت النور للعين
يسلملي قلبك وأعيش فيه وعشش
دا أنت حبيبي وفي قلبي عايش من سنين
من غيرك تتوه أيامي وأعيش العمر حزين
--------؛--------
أ/ اسامه
---؛---
طول عمري أعشق دوا العطار
وزرعت من تقاويه فوق السطوح صبار
ولما كبر جمعته كله وشيلته جوه
في قلبي عشان أكمل بيه بقيت العمر والمشوار
--------؛--------
الصبر مزروع جوايه طعمه حلو
مافيهوش مرار
ومهما طال بنا البعاد ياعمري
أكيد هنتقابل في أخر المشوار
دا حبك هو دوايا ولو روحت لميت عطار
مايداوي جرح قلبي غير لمسة من أيدك
تقلب الليل نهار
--------؛--------
كلمات أ / اسامه حامد 
وكلماتي / منى فهمي