(مجلة كل الخواطر)أَنَـــــا والقَــــــــمَـــــرْ .... بقلم الشاعر المتميز\رفعت ابو العلا

أَنَـــــا والقَــــــــمَـــــرْ ........!!!!!
ـــــــــــــــــــــــــــــــــ
فى لِيلِة سَهَرْ...... طِلِعْ القَمَرْ ........ قُصَادْ عِـــينِيْ !
سَأَلْنِيْ وقَالْ : يَامَشْغُولْ البَالْ ......... حَالَكْ مِبَكِّيْنِيْ
إِحْكِيلِي وقُوللِّي : سَارِحْ تَمَلِّيْ ........ يَالله سَارِيْنِيْ
قُلْتْ :
قَلْبِي يَاقَمَرْ ...... سَبَبْ غُلْبِي والسَهَرْ ...... ضَنَى عِيْنِي
سَابْنِي ورَاحْ ...... ورَا اللِّي رَاحْ .............. ونَاسِيْنِيْ
مِينْ غِيرَكْ يَاغَالِي ...... يِبْكِيْ عَلَى حَالِيْ ..، ويِشْجِيْنِيْ
والزَمَنْ قَاسِي ، وانَا فِرِغْ كَاسِي ..... تَعَالَى واسْقِيْنِيْ
قَاللِّي القَمَرْ :
لَوْ جِيْتْ ...... عَنْدكْ وهَلِّيتْ ............ غِيركْ يِنَـــادِيْنِيْ
يَامَا كتِيْر أَمْثَالكْ ...... حَالْهُمْ زَيْ حَالكْ ......... بِيِكْوِيْنِيْ
يَارِيتْ تِنْسى يُومْ ..... وتِرْمِي الْهُمُومْ ...... تِقْدَرْ تِوَرّيْنِيْ
سَاعِتْهَا قَلْبَكْ ....... حَيِنْسَىْ غُلْبَكْ .... واسْمَعَكْ تِغَنِّيْنِيْ
فى لِيلِةْ سَمَرْ ....... سِمِعْتِ القَمَرْ ......... يِحَاكِــــيْنِيْ
قَاللِّي :
قَنَادِيْلَكْ ............ ضِيَاهَا بِيِضْوِيْلَكْ ، ..وعَنَّكْ مِدَارِيْنِيْ !!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
الشاعر / رفعت ابو العلا