جارى التحميل
استخدم زر ESC أو رجوع للعودة
نفس القلم
...............................
الكل ماسك بين إيديه
نفس القلم
فيه اللي حبره من عنيه
دمع وندم
وفيه اللي يكتب لما
بيصيبه الألم
وفيه اللي غاوي
بس ناقصه الموهبه
وناقصه العلم
......................................
وفيه الصنايعي اللي صوابعه
تتلف ف حرير
قادر يألف كل يوم...........
أشعار كتير
شاطر بيكتب الف لون .......
بس معدوم الضمير
................................................
كلم ضميرك وإسمعه
إكتب وقول أيه بيوجعه
بكرا هتعدي السنين
تتمني لو يوم يرجعوا
.......................................
الكل ماسك بين إيديه
نفس القلم
مهما كدبك بتداريه
في يوم هيفضحك الزمن
مين إتظلم ومين ظلم
سلم ضميرك للقلم
إزرع أمل إكتب حِكم
سجل تاريخ شفته بعنيك
إياك تأمن للزمن
.....................................
عصام دويدار
