جارى التحميل
استخدم زر ESC أو رجوع للعودة
… . (وحشي بن حرب)………
حبشي وعبد لسيده بس
آسي وعمره فى يوم ماحس
غير بس بهمومه وبس
ذل الرقيق كان فيه فى ضيق
لو فيه حريق مايكون له حس
غاوي الحراب لو فيه ضباب
الحربة توصل كل الحواس
وحشي وفيه كل الصفات
والأب حرب يعني الممات
وجبير سيده والقيد وحيده
علشان يعيده محتاج روفات
وهند سيدته علشان سفينته
محتاج يقدم بعض الحاجات
محتاج يقدم رأس الأسد
حمزه البطل عم الرسول
بعد الممات
غزوة أحد كان المكان
وبحربة دخلت فى الكيات
مات الأسد شاب الزمان
وبحربته فك قيده الألعبان
وبعد مكة وفتحها
كل القبائل وقتها
رجعت فى ثانية لرشدها
بعد الحصول على عفوها
أسلمت وعرفت ربها
والوحش أسلم وقتها
لكنه كان عايش وحيد
الكل كان عنه بعيد
حتى وفاة سيدنا النبي
ومسيلمة بعده أبي
عامل رسول بعد النبي
وعمل له جيش كله غبي
لحد يوم المعركة
أرض اليمامة مشركة
أبو بكر جهز الجيوش
عمل اليمامة محرقة
وحشي شايل حربته
حالف ليضرب ضربته
ماشي وشايل قربته
مليانة من دم الكهين
مسيلمة كذاب لعين
والحربة كانت أخرته
وحشي بيقتل ذلته
بعدد ماأخدت حربته
قلب الأسد حمزة الشهيد
أحسن دماء جوه الوريد
والنهارده بعفته
قتل لنا شر العبيد
مسيلمة كذاب عنيد
والناس ساعتها حبته
بعد اللي كان من حربته
ربك عطاه الخير شديد
والجنة كانت جنته
…… (شعر)…… .
عبدالله السايح
