جارى التحميل
استخدم زر ESC أو رجوع للعودة
سيف صلاح الدين
محمد ضباشه
مشينا احنا بعقول غيرنا
ورسموا بايديهم خطاوينا
وكل هدفهم يشقلبوا حالنا
وياريتنا وراهم ما خطينا
صنعونا قنابل بأفكارهم
تقتلنا وتدمر كل أراضينا
وتقسم كل بلد عربى
لجماعات بنشوفها بعنينا
حرام عليكم خراب مالطة
قتلتونا وبعتونا باسم الدين
وكل دين برىء منكم
وأنتوا بتكابروا مش فاهمين
بأن الدين سماحة وحب
وكل الناس معاه عايشين
على أرض وطن واحد
وعلى شط السلام ماشين
بقيتوا دراع مسموم لأمريكا
وخدام بالأجر لبنى صهيون
بدولار ودينار تخربوا دياركم
ودم أخواتكوا عليكوا يهون
وتقولوا جهاد وله جنة
واجرامكم فى نار هيكون
فوقوا قوام كدا كفاية
ياريتكم بتحاربوا فى حطين
وبتقتلوا عدو كافر
بايمان وسيف صلاح الدين
أو بترفعوا راية العزة
وتحافظوا على تراب لوطان
وتحرروا القدس من أيدى
عدو خسيس ملوش أمان
ساعتها نبوس أياديكم
ونقول والله ناس جدعان
