حكم الحب
حكم الحب عليك وعليا……… نتلاقي ف سكة اشواقنا
تهوي عينيك ياحبيبي عينيه……. نكره اي سبب لفراقنا
حكم الحب
حكم الحب الشوق يجمعنا…. نتقابل من غير مواعيد
وبشوقنا برضه يرجعنا… لو ياحبيبي بعيدنا بعيد
حكم الحب بحبك ليا… تبقي لروحي الدنيا الجايه
هنعيشها بشوقها واحلامها… نمشيها وايديك ف ايديه
حكم الحب عليك وعليا
حكم الحب حبيبي علينا….. نغرق جوه بحوره ليالي
ولا نحزن ولا جرح يجينا…. ولا يغلي علي حبنا غالي
حكم الحب وحكمه امرنا…. نعشق نسهر طول لياليه
ونسلم ونقوله قدرنا… حكمك نافذ راضيين بيه
حكم الحب بحبك ليا… تبقي لروحي الدنيا الجايه
هنعيشها بشوقها واحلامها… نمشيها وايديك ف ايديه
حكم الحب عليك وعليا
حكم الحب نعيش ايامه… ياحبيبي ف قصه واغنيه
نتكلم ونغني كلامه.. نرسم احلي ايام ورديه
حكمه جميل واهو حكمه عجبنا
ما احلي احكامه الله ياسلام
لما امرنا وامره غلبنا
قولنا اهلا مرحب ياغرام
حكم الحب بحبك ليا…. تبقي لروحي الدنيا الجايه
هنعيشها بشوقها واحلامها… نمشيها وايديك ف ايديه
حكم الحب…….. حكم الحب
حكم الحب عليك وعليا
بقلمي
محمود ابوالوفا