الحب أفعال. ........... بقلم / فاطمه العشري
حبك كبريائى A
طلباتي منك مش كتير
محتاجه حب بس بضمير
محتاجه خوف ويا إهتمام
أفعال حبيبي مش كلام
إياك في يوم تسيبني أبكي
أو حتي مره لحالي اشكي
خليك قريب ومش بعيد
وكل يوم في حضني عيد
لازم معاك ألقى الأمان
وأدوق كمان حبة حنان
وحياتي جنبك ملهاش نهايه
من يوم ليوم أجمل بدايه
لو فيك تكون ليا دوا
هتشوف معايا أجمل هوا
تقدر تنفذ أمنياتي
هتكون ملك في عرش ذاتي
لو ما قدرت روح بالسلامه
علي هواك ما فيش ملامه
