(مغلق للترميمات )
خارج نطاق الخدمه ياقلبي……. مغلق للترميمات
آسف… دا باينه مات
مقتول بينزف حياته من بدري
ومين بأيده يرجع الاموات
حكمت علينا بهجرها وبجرحها وبجهلها لحب اكبر منها
تبقي نهايته سكات
ازاي هنعشق تاني يوم
هو اللي مات يقدر يقوم
يحب ويدوب من جديد
دا كان له وقت ووقته فات
خارج نطاق الخدمه ياقلبي… مغلق للترميمات
كتبت عليك بيدها وبخطها لو عيشت يوم من بعدها
يبقي اللي شربته من سمها في عسلها راح
وأدينا بنآسي الجراح
ولا أي شئ م السم راح
ملعون ابو الحب اللي راح يقتلنا بحبة ذكريات
خارج نطاق الخدمه ياقلبي
مغلق للترميمات
محمود ابوالوف
السهم المكسور