جارى التحميل
استخدم زر ESC أو رجوع للعودة
دنيا زى الورد ... بقلم أبو يوسف محمد
دنيا زى سميرة
يوم تسيب الضحكة
ويوم تسيب الحيرة
يوم تكون غدارة
ويوم بتبقى أميرة
دنيا زى ولاء
يوم بتبقى فى إيدك
ويوم تقول يا فراق
دنيا زى كريمة
لما تيجى تعاكس
يا لهوى تبقى جريمة
ولما تيجى تنكت
النكتة تبقى قديمة
دنيا زى هدير
تعشق التغيير
مرة ع الكورنيش
ومرة فى التحرير
يوم تحب الشر
ويوم تحب الخير
دنيا زى حبيبة
يوم تكون عاشقاك
ويوم بتبقى غريبة
يوم تكون هاجراك
ويوم بتبقى قريبة
يوم تحب القسوة
ويوم تحب الطيبة
دنيا زى الورد
مليانة دموع ع الخد
فى كل شارع حارة
وفى كل شارع سد
والصحاب غدارة
ولا حد طايق حد
الدنيا دنيا يا صاحبى
دنيا زى الورد
