جارى التحميل
استخدم زر ESC أو رجوع للعودة
ويا مرسال الهيام أبدأ أسرح فيك وأنام
وسط حلم جميل طويل ينتهى بينا الكلام
كنت بحلم ابقى صوتك ابقى نبضك قبل موتك
كنت شايف فيك ملاك كنت خايف من سكوتك
حاسس انى معاك بطير من عيونى عليك بغير
كنت عايش وسط جنه والحنين والشوق كبير
كنت تايه بين إيديك كنت عايش بيك وليك
كنت شايف من عنيك ان صورتى دايبه فيك
وابتديت بالإبتسام وابتدى بنا الكلام
كنت بسمع كله كلمه زى لحن من الغرام
وسط موجه الفرح وسط حالة من حالات الإنسجام
ضرب الجرس وقفوا الحرس يصرخوا من غير سلام
تخلص الأحلام وأفوق وسط موجه الزحام
وأحس إنى بتخنق ودموعى تطلق اللجام
وأحفظ الأحلام وأعود تنطلق كل السهام
نفسى أرجع بس لحظة نفسى أحلم بيك وأنام
محمد سالم
