جارى التحميل
استخدم زر ESC أو رجوع للعودة
قد ايه التوهة وحشة
والثبات ملوش مكان
النهاردة الشاردة واردة
والعيون مافيهاش حنان
الوباء الغربى جانا
اى قلب عليه بيبان
هية مادة ولا روح
ولا سيما ولا بوح
لسه شايف انك انت
ولا غيرك
انت معلهش ف جنان
كل غيبة وانت طيب
كل فوقة غربلها الحيتان
ايه يا دنيا
شرق غرب وغرب شرق
كل ديك مابقاش يأدن
حتى فجره ملوش يبان
هو خيط الفصل داب
واللا جه زمن الحيطان
كل توهة وانت خايب
أو فى قارب
جوا ليل الخوف بجدف
بس ما طلعلوش أوان
حتى موج الدوخة ولف
وانتهى عصر الآمان
الشاعر وحيد راغب
