جارى التحميل
استخدم زر ESC أو رجوع للعودة
… ..(الدنيا)……… .
إيه تساوي الدنيا
وانت مش قادر تشوفها
هيه تبقى الدنيا دنيا
إﻻ' وانت بتعايشها
إيه تفيد لو دنيا حلوة
وانت فيها تعيش فى خلوة
مش شايفها مش عارفها
حتى أحﻻمك ناسيها
مش فاكر وﻻ حرف فيها
دنيتك مش بتﻻقيها
وان حصل وعطرت فيها
تبقى غامضه ومش كاشفها
والزمن بيمر بيك
والألم وحده يﻻقيك
وان لقيت مين يشتريك
مش هتقدر تعيش خريفها
والزمن يبقى أنين
والحنان مجروح حزين
والسنين تطوي السنين
وانت عايش فى الحنين
نفسك تﻻقي فرحتك لوهيه فين
وان لقيتها تلﻻقي ذيفها
والزمن يبقي مهين
وانت ودموعك تلين
تسأل الماضي وحين
عن أمل تاه فوق رصيفها
واللي باقي وحده لسه بين ضلوعك
نفسه دنيا تبقى طوعك
نفسه يعيش على قد كيفها
بس إيه الدنيا تسوى
لوبتعطي بس قسوى
إزاى تعيش أو فيها تسوى
وانت عايش بس صيفها
يبقى ﻻزم تعترف
إن الحياة ديما إرف
فيها اللي عايش واحترف
فيها اللي عايش وانحرف
فيها اللي عايش فى القرف
يعني ﻻزم تكون عارفها
مهما كان بعينيك شايفها
……… (شعر)……… ..
. عبدالله السايح
