......(جابوا عميل يرأسوه)........
بعد الغدى فى العصاري
يادوب شربت الشاى
ماسخ وكله كماوي
وشربته رايح جاى
ياهل ترى ياغزالي
لون الزمن من مراري
ولاّ دا طعم الشاى
قلت أهرب من همومي
وفرشت أحزاني
يمكن أكون فى نومي
أحسن من صحياني
وكأن المولى استجاب
واشوف قدامي
خواجه من غير حساب
يمسح لي أحزاني
صرخت .. مين جاب لنا الخوجات
حتى فى منامي
قال لي الكبار كلهم فى القصر بيستنوا
سيبك من الصيحات
وتعالى قدامي
أنا قلت إيه العبارة
ياخواجه فهمني
قال بتتحرر ..إيدك وصاحبني
إلبس بقى القفطان
وبلاش تعاتبني
إنت الرئيس الكبير والخوم مدوبني
أنا قلت يعني أنا من اليوم عمدتها
قال لي الرئيس الكبير تتحكم فى ميتها
قلت مادام الميه هتحكم أنا فيها
من بكرة كل الأراضي هتلف سواقيها
قال لي الكلام عند الكبارجوه القصور
شد الودان بس إوعى كل الراس تدور
أنا قلت أروح يمكن وظيفتي صابها دور
ماهي الرياسه تعينها عمره مالوش طابور
حبة خداع حبة نفاق حبة بخور
فى الأرض تطرح لي زهور
أنا قلت أروح يمكن يكون لي نصيب
أخدم حبايبي فى القلوب أبقى حبيب
أنا ياما عيشت سنين غريب
واروح معاه ألاقي كل الكون فضا
أنده والاقي الصوت بيرجع لي صدا
أصل القصور واسعه كتير
والعين ماجابت لي المدى
دخلت ولقيت خوجات كتير مترصصه
لقيت بلير مع شارون
القلب صابني بالأسى
سفاحنا بوش والأفعى بول
ونهارنا لونه اتنسى
كل العصابه إتجمعوا
يعني الشموس مالهاش مسا
م الخوف جريت مسكوا إيديه بهندسه
غنو نشيد اليوم دا عيد
ورحبوا مليون مسا
وقالوا ميت مليون شهيد
فداك ياصاحب مدرسه
يازعيم فى بلدك الجديد
أنا خفت وقلت بهلوسه
ياريتني جبت معايا عيد
فهيم ويعرف قصدهم
غلباوي ومصفح حديد
قام قال لي بوش مبروك عليك
حاكم ودولة بين إيديك
قلت العيون طالت شارون
هبقى زعيم فى البيت عليك
قام قال شارون الكون يضيق
خلي العراق تكتب عليك
قلت سماح ياعم بوش
أنا في السياسه مابفهموش
قال لي بوش تبقى الزعيم
للأرض غيرك مانقبلوش
إحنا تعبنا كتير ياعم
وروينا كل الأرض دم
علشان تعيش فى الأرض حر
شلنا نظام كان ليك يضر
وادي الشروط إقرأ وكر
لقب الزعيم حقك أكيد
والقصر دا قصرك مديد
كل الخدم عندك عبيد
تاكل وتشرب من سكات
وتسيب لنا بس الفتات
أنا قلت يعني بالحساب
هكتب وادون فى الكتاب
وهجيب معايا الواد فهيم
وهامسكوا منصب رئيس
فى الوزرا مش هيكون دسيس
قام قال بلير كدا مش تمام
الواد فهيم يادوب غلام
دا حمار ونقصه يادوب لجام
إنت استريح خليك فصيح
سيب المشاكل لينا إحنا
وانت عليك بس التصريح
وإنسى الكتاب مع الحساب
معانا هتشوف التفاريح
أنا قلت أفكر فى الطعام
من غير مااقول شوفت
اللحوم مع الحمام
والرومي مااعرف عدوا كام
سفرة كبيره مشكلة
كل الفواكه مشكله
أبدأ بإيه فى المسأله
أفكاري مش متسلسله
أكل الملوك دا معضلة
أصل البصل عندي خروف
هسكن هنا وانسى الألوف
أنا أصلي من كتر الطعام
لعابي سال والجوع حرام
لسه يادوب همد إيدي
نده عليا أحمد وليدي
قال لي يابويه ابن إبراهيم
عايزك عشان عمي فهيم
أنا قلت لعنه عليه بهيم
دا ورايه حتى فى الجحيم
كلمنجي وهيخرب لي بيتي
وبسببه سيبت كل قوتي
وهعيش جعان زيه كدا
لحد ما يخدني الحانوتي
,,,,,,,,(شعر),,,,,,,,
عبد الله السايح
يادوب شربت الشاى
ماسخ وكله كماوي
وشربته رايح جاى
ياهل ترى ياغزالي
لون الزمن من مراري
ولاّ دا طعم الشاى
قلت أهرب من همومي
وفرشت أحزاني
يمكن أكون فى نومي
أحسن من صحياني
وكأن المولى استجاب
واشوف قدامي
خواجه من غير حساب
يمسح لي أحزاني
صرخت .. مين جاب لنا الخوجات
حتى فى منامي
قال لي الكبار كلهم فى القصر بيستنوا
سيبك من الصيحات
وتعالى قدامي
أنا قلت إيه العبارة
ياخواجه فهمني
قال بتتحرر ..إيدك وصاحبني
إلبس بقى القفطان
وبلاش تعاتبني
إنت الرئيس الكبير والخوم مدوبني
أنا قلت يعني أنا من اليوم عمدتها
قال لي الرئيس الكبير تتحكم فى ميتها
قلت مادام الميه هتحكم أنا فيها
من بكرة كل الأراضي هتلف سواقيها
قال لي الكلام عند الكبارجوه القصور
شد الودان بس إوعى كل الراس تدور
أنا قلت أروح يمكن وظيفتي صابها دور
ماهي الرياسه تعينها عمره مالوش طابور
حبة خداع حبة نفاق حبة بخور
فى الأرض تطرح لي زهور
أنا قلت أروح يمكن يكون لي نصيب
أخدم حبايبي فى القلوب أبقى حبيب
أنا ياما عيشت سنين غريب
واروح معاه ألاقي كل الكون فضا
أنده والاقي الصوت بيرجع لي صدا
أصل القصور واسعه كتير
والعين ماجابت لي المدى
دخلت ولقيت خوجات كتير مترصصه
لقيت بلير مع شارون
القلب صابني بالأسى
سفاحنا بوش والأفعى بول
ونهارنا لونه اتنسى
كل العصابه إتجمعوا
يعني الشموس مالهاش مسا
م الخوف جريت مسكوا إيديه بهندسه
غنو نشيد اليوم دا عيد
ورحبوا مليون مسا
وقالوا ميت مليون شهيد
فداك ياصاحب مدرسه
يازعيم فى بلدك الجديد
أنا خفت وقلت بهلوسه
ياريتني جبت معايا عيد
فهيم ويعرف قصدهم
غلباوي ومصفح حديد
قام قال لي بوش مبروك عليك
حاكم ودولة بين إيديك
قلت العيون طالت شارون
هبقى زعيم فى البيت عليك
قام قال شارون الكون يضيق
خلي العراق تكتب عليك
قلت سماح ياعم بوش
أنا في السياسه مابفهموش
قال لي بوش تبقى الزعيم
للأرض غيرك مانقبلوش
إحنا تعبنا كتير ياعم
وروينا كل الأرض دم
علشان تعيش فى الأرض حر
شلنا نظام كان ليك يضر
وادي الشروط إقرأ وكر
لقب الزعيم حقك أكيد
والقصر دا قصرك مديد
كل الخدم عندك عبيد
تاكل وتشرب من سكات
وتسيب لنا بس الفتات
أنا قلت يعني بالحساب
هكتب وادون فى الكتاب
وهجيب معايا الواد فهيم
وهامسكوا منصب رئيس
فى الوزرا مش هيكون دسيس
قام قال بلير كدا مش تمام
الواد فهيم يادوب غلام
دا حمار ونقصه يادوب لجام
إنت استريح خليك فصيح
سيب المشاكل لينا إحنا
وانت عليك بس التصريح
وإنسى الكتاب مع الحساب
معانا هتشوف التفاريح
أنا قلت أفكر فى الطعام
من غير مااقول شوفت
اللحوم مع الحمام
والرومي مااعرف عدوا كام
سفرة كبيره مشكلة
كل الفواكه مشكله
أبدأ بإيه فى المسأله
أفكاري مش متسلسله
أكل الملوك دا معضلة
أصل البصل عندي خروف
هسكن هنا وانسى الألوف
أنا أصلي من كتر الطعام
لعابي سال والجوع حرام
لسه يادوب همد إيدي
نده عليا أحمد وليدي
قال لي يابويه ابن إبراهيم
عايزك عشان عمي فهيم
أنا قلت لعنه عليه بهيم
دا ورايه حتى فى الجحيم
كلمنجي وهيخرب لي بيتي
وبسببه سيبت كل قوتي
وهعيش جعان زيه كدا
لحد ما يخدني الحانوتي
,,,,,,,,(شعر),,,,,,,,
عبد الله السايح
