جارى التحميل
استخدم زر ESC أو رجوع للعودة
تحيا مصر
======
لمبة ليد يا مستمعين
وتحيا مصر دى صنع الصين
قالوا قرار ..
لجل الترشيد
خلى الطاقه بالليل اتقيد
وتخلي لينا الدّامس نور
وأنا معذور
وجيت مسرور
تحيا مصر ها نعدي السور
..
قلت اجرب حبه واشوف
جبت اتنين وانا ملهوف
أصل الواحدة قدرة تسعه
تسعه وتسعه يبقو اتنين
قال القصد .. أدفع خمسين
..
يوم والتانى وانا المبهور
عدى الشهر بقيت مسرور
تانى شهر ولسه مجاش
فاتوره تطمن في الانعاش
رحت أنوّر شفت البدر
رسم بصيص
وعمانى الغدر
اطبش ادوّر فانهى ازرار
غلطت وصار الليل كيف ليل
رغما عنى بقيت محتار
...
ضد الكسر
وضد الحرق
وضد النار
أنا بنهار
فين العيب الفنى يابلدى
فين الوعد الصادق صار
تحيا بلدى
وتحيا وتحيا
رغم جيوش الفشل الحامله العار
#الصافى
