جارى التحميل
استخدم زر ESC أو رجوع للعودة
قول لحكومتك اختشوا
للشاعر : محمد ضباشه
حبة امل فين العمل
ياللى مصيرنا بين ايديكم
معظم شبابنا من غير عمل
خلت امل تدعى عليكم
مش قادرة تيجى لحدكم
يا أهل الكراسى منورين
ودموعها نازلة فى كمكم
خلت شارعنا غرقان وطين
هى ست دوستوا عليها برجلكم
وشبها من الرعايا ملايين
مدوا أيديهم فى الشوارع
وعنيهم تقولك يا ريس انت فين
سامع صراخ البطن ولا
مش سامع منا الأنين
قول لحكومتك أختشوا
حبة امل .. حبة حنين
قول لحكومتك فتشوا
وكفاية على الناس غلب السنين
قول لحكومتك أحنا خدام الغلابة
وأحنا زاد للمحرومين
قول لحكومتك هما منا
وجوه مصر محسوبين
هما اصحاب الكراسى والمناصب
ولازم يعيشوا مستورين
أحسن ما يموتوا جياع
واحنا عنهم مسئولين
لودام لك الكرسى يامحلب
كان يبقى النبى معانا الحين
