(مجلة كل الخواطر) تأشيرة رحيل - بقلم الشاعر / خالد العطار

(تأشيرة رحيل)

وقلب كان بيعاند القدر
ظن يوم إن مفيش مستحيل
وإن المية ممكن تعشق رماد...
وإن الحكل لون الجمال ماهياش سواد
وإن نبت الورد كان هيامي
موش محتاج سباخ
أتاري الحب في ليل البعد
..............طال و باخ
وف مطار الوجع ...
حامت طيارة فراق.
واتنين حراس ..
قلبي والاشتياق.
ولأول مرة أشوفك
روح متكبلة بقيود الفراق
وخنجر الرحيل مزروع بين الضلوع
ورحيلك ياااااااااااااا روح..
موت مالوش رجوع.
ودب الرحيل
زى سريان السم فى قلب القتيل.
وأنا القتيل...........
لكن القتيل بعد فراق الروح
...... بيروح عنه الوجع
بس قلبى ...
كان سكران من الم الفراق
وما كفاهوش الم الاشتياق
ويا ريته سمع...
صوت صراخ الجنين ساعة الولادة
ولّا أنين تايب حزين فى ركعة عبادة
الكل أجمع انها دنيا الألم
تمام زى حبك حسرة وندم.
إلا أنا ............
كنت شايف ان حبك عبادة
بعد قربك أتوب .
عاهدت ربي يجمعنا في جنته
زى ما جمعنا حب القلوب
وفجأة وقعت حقيبة اليد
حاجاتك كتير مالهاش حد
وبين حاجاتك
لقيت قلبى ....... وتأشيرة رحيل
وف ظل المستحيل
لميتى حاجاتك وسيبتى قلبى
وسيرتى بدربك
ولعنتى كل زهرة كانت بدربى.
بين الخطاوى
افتكرت كل خطوة فى نفس المكان
وكلام الحكاوى
وقصايد شعرى بتاع زمان
ورسالة على المحمول بتقولك
صباحك فى قلبى وصباحى بين عينيكى
ياللى بعت العالم عشان افضل مشتريكى
بس انتى رديتى لقلبى الجميل
بعتي و اخترتى المستحيل
واتمسكتى .....
..............بتأشيرة رحيل
خالد العطار