جارى التحميل
استخدم زر ESC أو رجوع للعودة
#انا_حلمى
أرسم بسمة على كل وجه حزين
أخلق امل فى كل نفس حتى
لو هيعيش عمره جنين
ونعيش جنة الدنيا بصحيح الدين
الجنة مش بس فى الاخرة الجنة
كمان فى الدنيا لو لدينا فهمين
دين ربنا عزة وفلاح قوة كان سببها نجاح
أمل حياة وارحم دين هدفه يخلق جوانا
سكينة مش فى ايدينا سكين
لا يعرف قسوة ولا قتل
خسة ولا غدر
ولا انا افضل منه بالاصل او بالطين
كنت بسأل نفسى دايما
ايه سبب حضارة اوائل المسلمين
وازاى انتصروا فى بدر وهم قليلين
وعظمة فتوحات صلاح الدين
ايه كان سبب العزة والتمكين
سر النصر كان فى صلاح النفوس
وطهارة القلوب كان فى الايمان واليقين
ولينا عبرة فى قول امام المجددين
وجدت بلاد بها مسلمين بلا اسلام
وبلاد بها اسلام بلا مسلمين
دين ربنا فيه سعادة الدارين
وكل حرف من كتابه ليه الف معنى
ويكتب فيه الشعرا دواوين
ليه بقينا بنقفل علينا الدايرة
ونضيق اوى فى براح الدين
ويعدى علينا العمر وتمر بينا السنين
بنضحك واحنا مدمعين
تبان علينا السعادة لكن القلب حزين
مع ان لينا فى كل محنة ومنحة
خير لو مصدقين
وأخيرا هنكون فى الجنة خالدين
وبصحبة النبى موعدين
ولأجل هذا أعلنت ايمانى
فقد كنت من قبل أنتمى للمسلمين
قلبك عشان يعيش مش بس
محتاج دم وشرايين
لكن كمان محتاج دايما مدد
محتاج يكون فيه من الايمان خزين
#صلوا_على_سيد_المرسلين
والمبعوث رحمة للعالمين
.....................
هناء رضوان
