(مجلة كل الخواطر) .انا مصري -بقلم الشاعر / جمال البطاط

..................انا مصري...........................
خطفني الليل
وخدني ف زحمه الايام
شقاني الويل
خدعني وتهت ف الاوهام
ف هم طويل
مقطع سكه الاحلام
وصاحبي عويل
ومتخفي ف وش غلام
وقال اقاويل
وتفاسيرها ظلام ف ظلام
وضاقت سكتي بيا
وسكنت دمعتي عنيا
ولف الخوف حواليا
غيوم ضلمه لياليا
عويل بدد امانيا
وضيع كل ما ليا
ببات مخنوق و مش عارف لليلي نهار
وواقفه الدنيا بتعاندومن ويلي بقيت محتار
وامتي هيبتدي بكره واسحب منه ليل العار
واحطم سور كبير عالي بيفتل همه الاحرار
وبيبث الخنوع غينا وبيبعد لنا المشوار
وارمي طوبه ورا طوبه ف هوه سحيقه ما لها قرار
واشد الضلمه بأديا كما الاستار
ووحد كلمه الثوار والف الدنيا وانادي ع الاحرار
واصرخ مهما طال ليلي
وطفوا نور فناديلي
ولفوا ف الوهن حيلي
وشلوا فيا تفكيري
وحاولوا يهزموا ديني
ويتأمروا امام عيني
ومهما يبدلوا الادوار
هعيش للثوره والثوار
ابدل كل ليل بنهار
وارفع همه الاحرار
هرجع ف العيون اصرار
وشعب يهب كالاعصار
يبدد ضلمه الباغي ويهزم قسوه الفجار
يحطم كل فيد وحصاريكون نار تحرق الغدار
يعيد روح الحياه فينا يكيد المفتري الجبار
منا مصري وعمري ف يوم ماسبت التار
شاعر البرلس /جمال البطاط