مجلة كل الخواطر:: موجوع يا بلدي :: " بقلم الشاعر المبدع أ / الصافي أبو عمار

موجوع .. يابلدى 
وقولة الآهه .. ألمانى 
وأنده يا ولدى 
وكلّ ما فيا بيعاني 
كاتب عليكِ بالعرق 
حلمي انطلق 
فى الصخر والحنه 
شقشق كفوفي الشقى 
والكف يتحني 
انحت في وشك حلمنا 
عمري ما اتعنّى 
..
ملامح نيلك 
راسمه طينك 
والبشر علامات 
كل الدّروب سكتك 
كل الخطاوي خطوتك 
كل البشر علي موت 
لو حد يوم يسكتك 
يام الولاد علي موت 
لجل ترفع رايتك 
انت .. الحضاره 
والاماره 
والعماره 
والامن ويا الامان 
انت الرساله 
واستحاله 
يوم يكون ضباب الظلم حاجب رؤيتك 
..
زعم ان دنيتك 
يجري يراودها الضباب 
لكن سراب 
كل احلام العدى 
مهما المطامع تكون متلونه 
مثل السهام عزف الفتي 
من نبض طينك يا بلد 
ما تخدله امم العبيد 
حاقن الشّهاده في الوريد 
والقلب زي المقصله 
كل الوجوه متبسه 
لكن بيعرف فطرته 
كل مكار وعنيد 
...
لسّاتنى موجوع يا بلد 
وزارعها فيك محبتي 
بالفاس بكبدى بالكبد 
عمري ما زخرفت الكلام 
عمري ما واريت القلب 
عيزاني اكون زي اللي كان 
العبان وبهلوان 
يبقي سيبينى ف سكتى 
ألطش ..
وايلطشنى .. الزمان