جارى التحميل
استخدم زر ESC أو رجوع للعودة
أوعى تغفل
الواد طول
ورجليه شالته
وبقى له شنب
وطلعت لحيته
خرج وسهر
من غير حساب
ماهى دى الرجوله
يا عم الشباب
والأب والأم
سلموا وقالوا:
هم وانزاح
كفايه بقى
أه بقى شاب
يشيل مسؤليته
ونرتاح بقى
بقى الولد يخرج
ويرجع وقت ما يرجع
من غير رقيب أو حسيب
ولاد ال
علموه يمسك السجاره
وبعد السجاره
الكيف دخل الدماغ
واصفر وشه
وانسدت نفسه
وساءت أخلاقه
وحقق للعدا خطتهم
فى تدمير الشباب
بقى مدمن
وقعد الأب والأم
بمصيبتهم
إزاى دا جرى؟!
ابنى وصل كده ليه؟!
ابنى جرى له ايه؟!
ياحسرتى عليه
ابنى ضاع منى
ياخلق هوه الحقوه
كنت فين ياأبو الشباب
لما سبت له السايب
فى السايب
ودى آخرة اللى
يغفل عن عياله
أو يغمض له عين
بقلم: محمد حجاج