مجلة كل الخواطر:: مليونية :: بقلم المبدع الراقي أ / حمدي صالح

(مليونية )
قالو كفاية رجعية وتخلف
والحجاب لازم نقلعه
ومع ان ما حدش عارضهم 
راحوا عملوا له مليونية 
وبقول للي بيطالب بخلعه 
ابدأ بنفسك وسقط بنطلونك
وبوكسرك بينه
وقـّلـّع مراتك وبنتك حجابها
وخليها تبين شعرها
والبارفنات ماركات 
ريحتها فايحة يا ريت منها نشمها
وما تنساش 
والايلينر والشادو 
والروج فاقع كمان والمسكرة
وتبين بالمقور صدرها
ولبسها الاستريتش المحزء
والمجسم
بلا حجاب يا ( راجل ) بلا مسخرة 
ولما تمشي خليها تدب بعالي كعبها
علشان تعرف تقسم 
وخلي صوتها تنعم 
وخليك مودرن
ونتقدم بقي بين الامم .. 
الحجاب سبب اللي احنا فيه من تخلف 
هو اللي جابنا لورا 
راضي لنفسك تبقي ديوث
والعري راضيه لاهلك
انت حر
لافيه قانون يمنعك 
ولا فيه حد حايشك
لزمتها ايه المليونية
والا انت عايز الكل زيك 
يا ......حر. ؟؟؟
انا رأيي عليك ما فرضتهوش 
ورأيك عليا ما تفرضوش 
لاني بجد دمي حر
لا انا بالزم اهلك بالحجاب 
ولا ها اعلمك الصواب
ولو انت تايه 
ارجع لسورة النور في الكتاب 
في نوره هاعيش
لكن لو انت بتحب الظلام 
انت حر
امي عيشة وخديجة 
قدوة لمراتي وبناتي
وبيهم بافتخر
وانت اختار قدوتك
زي ماانت عايز
انت حر
اما والله عجايب
ابن البحيري
قال الحديث 
احرقوه
و ابو حمالات 
قال فيه في القرآن ايات .....كيت وكيت
ناقص يقول احذفوه
والنهاردة الحجاب 
قالوا اقلعوه
لزمتها ايه مليونية ضد الحجاب
والا انتم يا شوية عاهات 
طالبين قانون 
ما اتعملش في اوربا
تجرموه ؟؟
وبعدها اللي هايصلي 
الجمعة ها تكفروه!!!!
نفسي افهم فكر الابالسة ده
مين بيموله ؟؟؟
كل من هب ودب في الدين يشكك 
وكل جاهل جهول رويبضة
الاسلام مش عاجب جنابه 
عايز علي هواه يفصله 
وبجاحة يقول بيجدده
( حمدي صالح )