مجلة كل الخواطر:: يا قلبي فوق :: بقلم المبدع الراقي أ / عبدالله السايح

.........(ياقلبى فوق ) ........
أنا مش هجيلك
مهما هتقول او تعيد
قلبك غدر... مره غدر
ﻻبد يرجع من جديد
يبني الثقه مهماتكون
بعدت بعيد
الحب مش كلمه ونشيد
الحب صرح كبير
الحب مش طوب ورمل وحديد
الحب من المشاعر يتبني 
وبالعمل يبقى أكيد
ماأناياما سيبت نفسي كتير
اشرب هواك
ياما ركبت دمعتي
ومشيت وراك
وخدتني عيني فوق
كتاف الشوق
وقالت فين دواك
آدي الحبيب راكب 
جناح رغبته
نازل فى بير ميته 
من كل سوء
مهماإنتظرت ميته 
مش راح تروق
وانت جواك الملاك
وازاي هتقدر تقبله
وانت بعينيك شوفت الحروق
قلبه اتحرق تاب ليه تدوق
وعيون قلق فى كيان شقوق
حتى الشفايف خداعين
لوتسأله هيقول آمين
دول مظلومين متعلمين
ولكل واحد مقسومين
من طين وراحوا
ﻷي حد وأصله طين
فين الخيانه ياظالمين؟
ياحضن مخلوق م الحنين
إزاي قدرت تعيش كاهين
وانا اللي سايب مركبي
ورميت سلاسل مذهبي
انااللي فاكرك مطلبي
أﻻقيك تخون واطلع غبي
والحب كان هوه الكمين
من شوقي صنعت الجناح
وحبى كان مصنع سلاح
تحت الفضا كان الكفاح
على كل ظالم فى الغرام
مهمايكون لو هوه مين
وانت ياقلبى يابوالحنين
مستنى ايه او حتى مين
بعد الخيانه مفيش أنين
ياقلبى فوق وبلاش تلين
وكفايه عمرك اللى راح
.......(شعر) .........
عبدالله السايح