جارى التحميل
استخدم زر ESC أو رجوع للعودة
فيها أيه
محمد ضباشه
فيها ايه لما الزمن
يجى علينا حبتين
وفيها اية لما واطى
تشوف نفاقة مالى العنين
وفيها ايه حبة ألم
يرمونا ضمن المجروحين
وفيها أيه لما السعادة
تلقاها ماشية بدون عنين
ساعتها تعرف أن الحياة
حبة الم .. حبة حنين
وساعتها تعرف أن البشر
حبة دهب .. والباقى طين
ساعتها تعرف أنك أنت
لازم تخطى وبيقين
ولو لقيت الدنيا ضلمة
نور أنت شمعتين
--
بس المهم اوعى الليالى
تسرقك وتطول معاك
أو عقلك أنت يشغلك
ترجع تبص فى يوم وراك
يابنى كل متاعها زائل
وأى حاجة يا بنى فداك
وانسى أى وجوه تبيعك
واشترى اللى أشتراك
فيها ناس ديما رخيصة
وفيه اللى فاكر أنه رماك
بكرا يندم وأنت عايش
ورده جوه نور بهاك
وأوعى دمعة تنزل عليه
وتفتكر أنه ملاك
