( مجلة كل الخواطر ) رسالة مواطن -- كلمات الشاعر / احمد جابر سويلم

-----------رسالة مواطن-----كلمات الشاعر احمد جابر سويلم
مش كل كلمه فى الغرام كانت
ولا كل دمعه للحنان مالت
ولاكل تنهيده جوا القلوب طالت
ولاكل نفس للهموم شالت
ولاكل ليل ظلمته دامت
ولاكل جرح جوا القلوب اثاره اتزالت
من قلب حبك وانجرح تانى
من همسة عتاب مرسالك فى يوم جانى
رغم البعاد مادرت انسى احزانى
انا مش بحبك كلام ياساكنه وجدانى
يازهره ومفتحه جوا فى اغصانى
يانهر فيه العطى مالحب ربانى
يافجر وفى ضحكته الحانى
ياغينوة امل حبك مهش فانى
فرجك فى يوم عيدك داشيء تانى
شمسك ونيلك صفاهم فى احلامى
املى وحلمى اخدك فى احضانى
واسجد على ترابك لرب الكون تانى
وامشى فى اغصانك اغنى اشعارى
واعزف على الناى بصوتى موالى
واكتب على ترابك اسمى وعنوانى
خايف يفوتنى الزمن غريب فى احزانى
وانسى الكلام واتوه فى اوزانى
خلص الكلام لكن مخلصتشى احلامى
انا صابر ومن صبرى حكيم فى احوالى
هدوس على الاه وطعم مر ايامى
وادوس على الجرح مهما اعتلى احزانى
من اول السطر وفيه اسمى وعنوانى
مصرى اصيل ومعدنه غالى
شايل هموم الوطن شايل كمان اكفانى