................................ إسمعــــيني .....................
أسمعيني من فضلك
أسمعيني عايز أقولك
ليه مش سأله عني
ليه حرماني من ضلك
إسمعيني أديني وشك
نفسي أسمع حسك
أسمعيني كفاية بقي
سبيني أبوح وأقول غلك
متخافيش لو حدأشتكي
كل بدايه ليها نهـــــايه
ولون الصبر في شكلك
وعمر الألم ما يدوم لك
أسمعيني وبيا حسي
أسمعيني وفيا خشي
ح تلقي جوايا زعابيب
صراع بين أرنب وديب
وبراكين بتشـــع أنين
وفيضان بيرش حنـين
أسمعيني عشان ارتاح
وفدادين مزروعه أملاح
وطين سال ندي ودموع
وصوت بيئن من جراح
في ركن الكيان موجوع
أسمعيني وفيا السكات
ح يموت من كتر الجوع
خليني أفضفض موال
يقول أشعار وأزجـــال
وأغاني من كل نــوع
أسمعيني بكل اللغات
أسمعيني بكل الأهات
اسمعيني وكلامي 
مش ح يموت ولا يخلص
أسمعيني والحروف
مش ح تقدر تفلفص
أسمعيني قبل الألم
ما يرتاح منا ويرخص
وطين الفكر سواح
في ترع ميتها بتقرص
أسمعيني بقي !!!!!!!
أقول اللي جوايا واخلص
............................ حســن الشـــوان ...موثقة......