( مجله كل الخواطر ) ¤(حال الدنيا)¤ ... للمبدع / مبروك علوة

الدنيا خاينه وغداره
مكسبك فيها الخساره
فى ناس مش لاقيه اوضه 
وراجل لوحده فى عماره
وناس لابسه حرير فى حرير
وبتشبع نوم على السرير
وناس نايمه على شيكاره
وناس بتتعاطى السموم
وناس غلابه ومحتاره
وناس بتركب ملاكى
وجيوبها ملينه بواكى
وناس فى عيشتها حيرانه
وناس بتاكل ليلاتى لحوم
وناس بتاكل بصاره
وساعات بتصحى وتنام بالجوع
وناس بتنام مرتاحه البال
وناس من الفكر حيرانه
وناس بتصرف فى عشوه ألفات
وناس بتبات جعانه
وناس بتشرب مخدرات
وناس بتشتكى من الامراض
وناس عندها فى الفيلا بسين
وناس طبعها بيكون كويس
وناس طبعها بيكون لئيم
وناس تحبك لفلوسك
ولو خلصت منك هدوسك
وناس همها جمع المال
من الحرام ومن الحلال
وناس بتصون الوعود
وناس بتخون العهود
وناس بتحب للناس الخير
وناس خاينه ملهاش ضمير
وناس بتحفظ الاسرار
وفى قلوبهم العمار
وناس بتفشى الاسرار
وناس عاملين زى المنشار
وناس عايشين وكلين الدنيا
وناس عايشين وكلين المرار
وناس فرحانه ومسروره
وناس من الحزن مقهوره
وناس تملى تكون معاك
ووقت الشده راح تنساك
وناس بتتعب فى الفلوس
وناس بتلعب بها قمار
وناس تعبانه ليل ونهار
الدنيا خاينه وغداره