(( شُــوْقْ مِسَافِـرْ ))
ـ
ـــــــــــــــ

وعشِقْتْ السَفَرْ عَلَشَانِكْ /وعشِقْتْ الطَرِيقْ لِمَكَانِكْ

وصُعُوبِة طَرِيقْ سِـكّتك / زَيْ صُعُوبِة حنَانكْ

يَالّلِي حَلاوة اللُّقــــــا / دَايبَه عَلَى طَرْفْ لسَـانِكْ

******

إيْه يَعْنِيْ سِكِّةْسَــــفَرْ / تِزْرَعْنِي عَ المَسَــافَاتْ

تِطْرَحْنِي شُوقْ وسَـهَرْ / تِجْمِعْـنِي لِيْل وآهَــاتْ

يَالّلِي حَصَادِكْ مــوَدّهْ / لِمَوَاسِمْ عُمْرِيْ الّلِي فَاتْ

******

دَه انَا يَامَا البُعْدْ كَوَانِيْ / ولِبُحُورْ الشُوقْ وَدّانِيْ

وَانَا وَحْدِي بَابْقَى غَرِيْقْ /واحْلم بِشَطّكْ من تَانِيْ

يَالّلِي اسْمِكْ سِرْالطَرِيْقْ / للجنة مِن غِير مَوَاني

******

حَبّيْتِكْ قَبْل السَـــــــفَرْ / وكَانْ حِلْمِي الطَرِيْـقْ

ودِلْوَقْتِ بَعْد السَـــــفَرْ / قُرْبِكْ "حَقْ وحَقِـيْقْ"

وحَيَاتي جَنْبِــكْ لوَحْدِكْ / تِساوي مليون صَدِيْقْ

******

فِي السِكّه قَلْبِي دَقّاتُهْ / بِتِمْسَحْ حُزْنُه وآهَاتُـهْ

وفَرْحِـة ضَـمّة قلبِـكْ / تنسِّيه أَهْلُه واخْوَاتُـهْ

يَالِّلِي النَسِيْمْ خَدْ مِنّكْ / عَبِيْرُه ، ونِسِي وَرْدَاتُـهْ

******

وآه يَاسَاعِة لُقَاكِـي / وفَرْحِة قلبِي وَيّاكِــيْ

تِدَوِّبْ سَاعَاتْ السَفَرْ / وتِزْرَعْ حُبّي فِي سَمَاكِيْ

يَالّلِي حَلاوة الّلُقَـــا / مَا بَا دُوْقْهَا ..الاّ مَعَاكِـيْ

******

الشاعر / رفعت ابو العلا