(مجلة كل الخواطر) بـعـيـد عـنــك _ للشاعرالكبيرالمبدع / حمدي صالح

( بعيد عنك )

عَنـِك ما أقدرش أبعد 
وإبعدي لو تقدري
تعرفي لو عني بعدتي 
النوم ها يهجر عيونك 
ومع ذكرياتنا ها تسرحي
وتعدي نجوم الليل 
وانتي وياها سهرانه 
وبالنهار تعيدي عدها
من تاني .....و تغلطي
معذورة ......بتفكري
خلص فيكي كلامي كله 
وما بقتش اقولك كلمة بحبك 
بس بترددها عنيا
وبيها قلبي بينبض 
حتي إسمعي
بلاش في لحظة 
نهدم كل اللي بينا إتبني
وتعالي م الأول نبتدي
القلب بيحب مرة واحدة 
ولو ضاع الحب 
مابين عِندك وعِندي 
ها أندم عليه عمري اللي باقي
ومعايا عليه ها تندمي
....
( حمدي صالح )