( مجلة كل الخواطر ) أرحم قلب " بقلم الشاعر المبدع أ / محمد ضباشه

أرحم قلبى
شعر : محمد ضباشه
ياما ناديتك أنا يا حبيبى
ترحم قلبى وتاخده معاك
وياما سهر م الشوق يتألم
ويرفع يده ويترجــــاك
تقتل فيك الحته القاسية
وتنسى البعد علشان ألقاك
لأحسن أخاف لعيونك تبكى
وتقول باعنى وقلبى رماك
وتنسى الحب اللى كتبناه
وارجع أصحى الشوق جواك
بقصايدى المكتوبة عشانك
واللى حروفها تقول بهواك
وتوصف احاسيس ومشاعر
أتولدت على نور محياك
وتعاهدك والعهد أمانه
وطريقى يقرب وياك
لنهاية تجمعنى أنا وأنت
مهما الغربه تكون وخداك
ومهما اليأس بدأ يشاغلنى
لأصبر تانى واستناك
وكل اللى أتعذبته فى بعدك
مش هيهم ياروحى فداك
ومراكب يأسى راح أبدلها
بمركب تانيه تاخدنى معاك
علشان ترحم قلبى يا روحى
اللى عيونه على طول شيفاك
وما نامت عن صورتك لحظة
ومشغوله بيك ودايما فكراك
ولما تغيب فى دفاترى بدور
وأرجع أقول أن أنا عزراك
بس كمان لازم تعزرنى
وأعزر فيه أن أنا عشقاك
بروى الحب فى قلبى عشانك
وأنا قلبى ما ياخده سواك
ويكفينى أن أنت حبيبى
ولو عن بعد هروح سقياك
كاس مليان حبى وأشواقى
وجوه العين راح أكون حطاك
وأرجع أنادى أقول يا حبيبى
ترحم قلبى وتاخده معاك
وتقولى وتريح قلبى
ياروحى أمتى وأزاى ألقاك