............................. الأم معجزة من المعجزات................
.............................تركت القلم يكتب عني......................
أقول أيه ولا أيه عنك أنت الأصل 
وكل زمن هـو زمنك بــدون فصل
مهما أقــول وأتكلم مش ح قدر 
أوصف فيك لأني عايز الف دهر
ببلاش أخدنا منك كل العـــــبر
ببلاش مقدرناش نتعلم الكل
انت الإخلاص وأغلي مهـــــــر
علمتينا الشموخ في عز الذل
علمتينا الرسوخ لما الصبر مل
انت ضوء حياتنا ووضوء صلاتنا
الورد طرح من دعائك 
والبستان نور بضيائك
أجمل منك مفيش
أحلي من حسنك متلاقيش
والهدوء لما الدم بيفور ويغل
حنانك طرح على أغصانك فل
إبتسامتك راحة وواحة آمل
انت شراعنا وبلسم أوجاعنا
انت البسمة اللي ملكيش مثل
انت النسمة وطراوة الضل
والحكمه اللي عايشينها جبل
والكلمة منك معني وحزم وحل
أنت الريح والمسك وزفيرك عطر
انت العزيمة في وقت الألم مصل
والنخوة لما المـــيزان يختل
والعزوة اللي بتجمعنا ونتلم
أنت الدفا في عز الأهات
انت الصفا في عز النوات
أحفادي يا امه اللي حبوكي
كل عيوم بيسألوني عليكي
كبروا وأترعرعوا علي اكتافك
بيتمنوا يشوفوكي ويبوسوكي
ولمسة حنانك ليهم من أيديكي
أنت أعز أم ورمز لكل الأمهات
ومهما كان الألم أحلي الذكريات
أنت اللي عيشتي بالقليل
وروضتي الدنيا في كل الحكايات
وصبرك دلوقت ملهش مثيل
وبقي دلوفت من المعجـزات
فاكرينك كل يوم حكمة وذكـــرة
لغاية ما نقابلك يامه في الآخرة
......................... كلمات ...حسـن الشـوان...