(مجلة كل الخواطر) السواقي _ للشاعر المبدع / عيد الجندي

قصيدة بعنوان 
..................
( السواقى )
....................
بين المدن والشوارع 
جوه البيوت .....
أحلام جديدة بتتولد 
وأحلام كتير بتموت 
وحلم نوره بينطفى 
وف ثانيه واحدة بيختفى 
وأنت .....
فى دهشة !!
بتكتفى بالسكوت 
يا ترى بقيت عاجز ؟
والا أنت مش عايز ؟
وكل همك ....
.. ف العيال والقوت 
تنعى عليك السواقى 
ساقية ورا ساقية 
وكل واحد فينا 
.. ف ساقيته مربوط 
هيقولوا أحلى كلام ..
إتقال ف يوم عنك ...
ف المرجلة راجل 
ف الجدعنه جدع 
فى الإنبساط 
مبسوط .... 
لكن انا عارف 
وكلنا عارفيين 
أن أنت ....
مش عايش 
أنت يدوووب ...
( بتموووت ) 
بتموت ف غيبوبة 
وفاكرها سبوبه 
وأغلى أحلامك 
عشوه و (أنبوبة )
وايه حيلة السمكه 
لما تواجه حوت 
والدنيا 
دوامه 
وصاحب الفكرة 
أفكاره 
هدامة 
واللى يقول الحق 
يتقال عليه مجرم 
وعيلته ( هجامه ) 
واختار تموت ( كالأسد ) 
والا تعيش ( كتكوت ) 
............................ بقلم / عيد الجندى