رايحة فين يابلدنا ؟!=== بالعامية المصرية =============
=====================================
رايحة فين يا بلدنا..رايحة فين ؟!
رايحة فين واحنا مش قادرين نصونك؟!
كل يوم قتل وبكاء
وانتِ صابرة ع الجراح
كل يوم سراب جديد
مرسوم في قلوبنا النواح
إحنا في بلدنا ؟!
والا إحنا في غابة
ناكل في بعض
ما احناش ديابة
دول ولادك..جايين منين ؟!
تفجير هنا وتفجير هناك
حادثة هنا وحادثة هناك
إحنا فين ؟!إحنا في بلدنا ؟!
والا إحنا فين؟
الطريق مبقاش طريق
والصديق مبقاش صديق
والغربة وجعت قلبنا
ليه بنهدر دمنا ؟!
واحنا واحد
قلب واحد
ليه بناكل بعضنا ؟!
كان زمان بنقسم همنَّا
واللمة كانت ضلنا
والفرحة تجري تدوْر عننا
كان الأمل بيسكن جنبنا
والورد ريحته في أكلنا وشربنا
كان الدفا والحنان والأمان عشقنا
كان الطريق مرسوم لنا
أنا مش مستني منك جواب
أنا كنت باسأل لأنك حياتي
وإني من غيرك صدى وسراب
========================================
بقلمي / إبراهيم فاضل

================