( مجلة كل الخواطر ) على هواك يا ليل _ بقلم الشاعر الرائع / محمد بنداري

علي هواك ياليل
متعنا بالسهر الجميل
طول علي قد ما تقدر
انا وحبيبي سهرانين
يحلي الكﻻم والعشق والغرام
داحنا علي المحبه متفقين
والقمر حارس لينا 
منور القعده الجميله
علي ضوئه بنغني مووايل
واه واه يا ليل
لما بالمس ايدها
من الخجل احمر وجهها
وارتعشت ياليل ايدها
اوصف وﻻ احلف 
انا مش شايف شئ ينفع
ولله بغار منك يا قمر عليها
شايفك مراقبنا ومسلط ضوئك علينا
قالت بحبك ولسانها متلعثم
قولي باي لغه وانا قلبي هيترجم
مكسوفه مني وﻻ من القمر 
ما تبعد يا قمر ضوئك شويه
خلي الصبيه علي راحتها
ولله انا شايف العرق بلل جبهتها
بحبك بمعناها بكل حروفها وخباياها
دانا لو كتبت كل يوم قصه لعنيها
لا في يوم يخيب ظني 
وﻻ اوفي حقي فيها
علي هواك ياليل
اوعاك الفجر يأذن وتقول نهار جديد
لسه عنيها مليانه كﻻم 
وانا مستني اللحظه دي من زمان
ولله يا قمر وشك حلو علينا
سمعتني اجمل كﻻم الليله
والليله محسوبه في تاريخي
ححفرها علي جدران قلبي 
باليوم والساعه والدقيقة. 
محمد بنداري