Hesham Zidan
موال حوريه م الجنه
بقلمى / هشام زيدان
بشوفك ياروح الروح
فى الورود لونها
بشوفك يا روح الروح
فى السما نجومها
وقلبى مادد ايديه
نفسه بقى يطولها
فنيننى العين يخبيها
وبروحه هيصونها
م العدا والعزال
وم الحسود يحرسها
سبحان من صورك
بدعى يا رب احرسها
لون الجنه لون عينك
وجواهرها وفصوصها
الفم خاتم سليمان
انفاسه حاسسها
والرقبه كوز رمان
حب اللولى حارسها
الصدر عجين خمران
يخاف النسيم يلمسها
والخصر غصن لبان
اما الحرير ملبوسها
سيقانها عمود مرجان
فى المسك مغروسها
والقدم شقايق النعمان
اوطى وابوسها
