(مجلة كل الخواطر) وهم كبير _ بقلم الشاعر الراقي/ عبدالله السايح

…… ..(وهم كبير)……… 
كنت فاكرك حاجه تانية
مقدرة حبي الكبير
كنت فاكرك كل ثانية
واخده من عمري الكتير
كنت فاكرك ٱرض صالحة
عشت في ترابك ٱسير
كنت فاكرك دنيتي
م الهوى عنك ٱغير
مالتقتش إﻻ دمعه
دوبت قلبي الكبير
مالتقتش فيك حاجي
تقول لي انت المصير
مالتقتش غير إباحه 
كله ضاع حتى الضمير
وهم كنت اعيشه فيك
حلم بيدورعليك
يا ما كان قلبي يناديك
والوصول كان مستحيل
لما بان حلمي ف عينيك
سيبت قلبي بين إديك
والعينين مشغولة فيك
وانت عايشه بدون ضمير
كنت مخلص لك تملي
حتى فى غيابك ٱخلي
صوره من حضنك دليل
كنت واهم وانت خاينه
كنت عاشق وانت عميه
عندك الٱحضان كتير
كنت فاكرك وانت ناسية
كنت عايشك وانت قاسية
فتحه أحلامك سبيل
كنت فاكرك حاجه تانية
مقدرة حبي الكبير
وانت من ثانية لثانية
رايحه من ليلك لليل
…… (شعر)…… .
عبدالله السايح