جارى التحميل
استخدم زر ESC أو رجوع للعودة
كنوز الدنيا
كنوز الدنيا ما تساوي
لمسه بس من إيدك
كفايه أنده أقول أمي
وتيجي عيوني ف عيونك
كفايه أسمع أنا صوتك
بتدعي لى بطول ليلك
كفايه لما أقول يآني
بحس برعشه بوريدك
كنوز الدنيا ما تساوي
لمسه بس من إيدك
ومين زيك بيعتل همي
من صغري ومين غيرك
علمني وكبرني
يا صبرك و طول بالك
ولما بغيب وحدك بس بتقولي
يا واد فينك
ولما أزعل زعلي
بيبقى على عينك
ومن بختي إن أنا إبنك
يا ريتني كنت خدامك
وأرسم ضحكه لشفايفك
وف الحزن أنا بدالك
يا أمي طولي وشوفي
دي الجنه تحت أقدامك
ف يوم عيدك هغنيلك
وأبوس بوسه على جبينك
ومش هوفي أنا حقك
ولآ هنكر ف يوم خيرك
كنوز الدنيا ما تساوي
لمسه بس من إيدك
كفايه أنده أقول أمي
وتيجي عيوني ف عيونك
كفايه أسمع أنا صوتك
بتدعي لي بطول ليلك
كفايه لما أقول يآني
بحس برعشه بوريدك
طارق شامخ عبد الجواد
