(مجلة كل خواطر) _ جايلك_ بقلم الشاعر*•๑۩۞۩طارق شامخ عبد الجواد۩۞۩๑•*

جايلك

جايلك ونادم ع الفراق
بعترف ليكي بهزيمتي
جاي أقولك قلبي داق
المر بعدك يا حبيبتي
جاي عارف إنه صعب
يبقى بينآ أي حب
وليكي حق تقولي آه
وألف حق تقولي لأ
مانا لو مكانك هزيد ف نارك
ومستحيل قلبي يرق
وهقول دي باعت وهقول دي خانت
والشك يغلب أي صدق
ومهما قلتي أو حاولتي
صعب تاني تنولي ودي
جايلك ونادم ع الفراق
بعترف ليكي بهزيمتي

كل كلمه قلتيهالي
يوم فراقنا كانت حقيقه
عشت ليلي عذاب ونار
جوه قلبي قامت حريقه
واللي بعتك عشانه باعني
زي ما جرحتك جرحني
والرخيص اللي أشتريته
بيكي خاني
والزمان أهو عدى بيكي
وإنتي نسيتي
وأنا اللي جاي بخيبة ظني
بقول صدقتي
وليكي حق تقولي آه
وألف حق تقولي لأ
مانا لو مكانك هزيد ف نارك
ومستحيل قلبي يرق
وهقول دي باعت
وهقول دي خانت
والشك يغلب أي صدق
ومهما قلتي أو حاولتي
صعب تاني تنولي ودي
جايلك ونادم ع الفراق
بعترف ليكي بهزيمتي

طارق شامخ عبد الجواد