(مجلة كل خواطر) _حالة خسوف _ بقلم الشاعر _*•๑۩۞۩طارق شامخ عبد الجواد ۩۞۩๑•*

حالة خسوف

مفضلش غير حبة حروف
وكلمتين ف كام جواب
لا لحقت أغني ولا أشوف
الفرح زي كل الاحباب
والشمس غابت م الكسوف
دق الفراق ع الأبواب
حسيت بضعف لمسني خوف
غرقت ف بحر من العذاب
قلبي إتوجع سكنه الوجع
عايش ف ليل بضرب ودع
من غير قمر أصل القمر
من يوم فراقنا
عنده أكيد حالة خسوف

آآه يا آلم ف الضلوع
عمال تكسر بالقوي
آآه يا عيوني م الدموع
دبلت خلآص وردتي
والذكريات جايه بآهاات
وثواني بتمر ف ساعات
حتى النغم مكملش علشان
إنقطع وترك يا عود
أنا مش بعاتب مش بلوم
ولا جي أفكر بالوعود
أنا بس بلعن ف الظروف
قلبي إتوجع سكنه الوجع
عايش ف ليل بضرب ودع
من غير قمر أصل القمر
من يوم فراقنا
عنده أكيد حالة خسوف

طارق شامخ عبد الجواد