(مجلة كل الخواطر) الدنيا فيها اللى فيها ---بقلم المبدع \محمد فتحى عبد الغنى

مسرح بيطوف
ولاحد راضي يحليها
يتحدى ظروف
وآهي ماشيه وعديها
واعشقها تلوف
،،،،،،،،،،،،،،،،،،،،،،،،،،
الناس وشوشهم سبورة
تقراها تخاف
ماشيين ف عز الشبورة
والعيشة الحاف
وفيها غيرهم عسولة
بتعيش بآلاف
وفيها مايبلش الفوله
وملاها خلاف
وآهي ماشيه وعديها
وأعشقها تلوف
،،،،،،،،،،،،،،،،،،،،،،،،،،،
أرزاق مقسومة بتكفي
واحد وكتير
وعجبي طماع بيعبي
وملاها قناطير
ف الآخر سبها بتهني
واحد م الغير
عاشها ببساطة بالبلدي
لقى نفسه أمير
وآهي ماشيه وعديها
وأعشقها تلوف
،،،،،،،،،،،،،،،،،،،،،،،،،،،،
كلمات: محمد فتحي عبد الغني
الخميس5/3/2015