...فعل ماض ( عامية)
أنا مش حمساوي
ولا فتحاوي العِرق اصلا
لا ديمقراطي
ولا انا شعبي المنطق
أنا فلسطيني مشرد
مسلم او مسيحي مهرب
في الهجره بترزق
فلسطين ما بعرف ترابها
بعرف قصص احوالها
حكوها ختايرة بلادنا
تبعت القضيه وراثه
زي الامي بالدراسة
قصص محكية وابطالها
علمونا القضية وطنية
الشجاعة ماتت
بعد البدله المكويه
وضعنا بخزي هالايام
انت مع ؟؟ وتابع لمين
وبعدها منحكي القضية
سمعنا في دمقراطيه
في حكومتنا الابية
أوامر حبس للحرية
والمعارضة ملغيه
والشعب شلحوا
البارود والمشدية
الله يرحم الختيار
شو تعب بالمشوار
وسموا !!!
وبالمنصب بدلوا
يا خسارة يا فلسطين
اذاعة لكل تنظيم
انا من اصل فلسطين
أبوي وامي من هناك
خلوني فعل ماضي ؟؟؟؟
مع أني مضارع وحاضر
وأعمالهم أفعال مرفوعة
بالنصب أحرف العله مجروره
وللصهيونه وامريكا مؤموره
لعبوا وفرقوهم
والكل قتل !!!
مش صهيوني اخو بالقضية
دولتنا صغيرة
قطعوها بعنصرية حبيثه
وحبكة معالم مخفية
كل الدول يتحمل علم
واحنا منحمل دزينه
يا خسارة يا وطني
نسوك والحزب عبدوك
...... عمار قدح
