سعادة البيه دخل المجلس 
.....................
سعادة البيه إبن أم البيه 
داخل المجلس والصوت بجنيه 
.......................
ماشي يتمخطر بفلوسه 
واللي بيقابله بيبوسه 
عايز كرسي جوه المجلس 
واللي بيبوسه هيدوسه 
......................
أحلام الناس عنده بضاعه 
إنشاله نشحت في إذاعه 
هو بيشتري منا حصانه 
وبلدنا هي الخسرانه 
......................
راح يدفع الف جنيه في الصوت
علشان يتحصن في المجلس 
تجاره تمنها الشعب يموت 
وإللي هيبيع بكره يفلس 
.......................
صوتك بالنسباله بضاعه 
هو دفع وإنت قبضت 
لو تطلب منه دي وقاحه 
الصفقه تمت وقبضت 
إنشاله تشحت في إذاعه 
هيقولك بفلوسي وصلت 
.........................
راح تضرب نفسك ميت جزمه 
صوتك يافقير كان له لازمه 
كان ممكن تقدر تختار 
حد يفكر وقت الازمه 
.........................



بقلم / عصام دويدار