نفوس واهيه 
--------------
---------------------------------
لبعض الناس نفوس واهيه بتتبدل 
وزي ماترسي دقلها ورسّيها 

تروح مع دول يجوز يمكن هتتعدل 
وبكره طريق وناس تانيه تروح ليها 
-
وتنسى كمان لمين باعت جمايلهم 
وتنسى العِشره أو حتى معانيها 
وتسرق حتى أرزاقهم يجوز منهم 
ولو كانت مفيش غيرها تعيش بيها 
-
مفيش أخلاق بتتحكم ولامبدأ 
مصالح بس والآخره مخليها 
يهمه وبس دنيتهم وفين يبدأ 
ومهمها يضحي أو يخسر هيمشيها 
-
يبيع دينه وإيه يعني يبيع دينه!
يبيع أصحابه وحبايبه وإيه فيها
يبيع أهله وعار بيته قصاد عينه
مدام أهدافه تتحقق هيرميها 
-
وبعد الثروه بيفكر ملوش آخره!
دا حتى الآخره يا اخونا وناسيها 
وفاكر ماله يشفعله وبالرشوه 
هيلقي الجنه فـ الآخره يعديها 
-
ياناس فوقوا دا مهما تعيشوا هتموتوا 
وبعد الموت دي نار قايده هتصليها 
مدام لسه قصادكوا الدنيا ماتعودوا 
وهاتوا الآخره قدامكم وخليها
-----------------------------
--------------------------------
بقلمي ..... هشام عوض محمد 
الأربعاء ..... 04 - 03 - 2015 م
--------------------------------