Tarik Shamekh Abdelgawad
كوكب الشرق أم كلثوم
يا بنت طماي الزهايره دقهليه
يا مصريه يا أصيله يا فنانه
زي الهرم إنتي يا سومه
أصبحتي والله علامه
لو قلنا مصر أم الدنيا
باقيتي فيها إنتي مناره
لحنتي من إسمك غنوه
خليتي الفن رساله
رسمتي صورتك ف قلوبنا
طبعتي حبك جواناا
همك يا سومه كان وطنك
ف النكسه كنتي منهاره
ساعدتي جيشك ف الأزمه
سافرتي كتير علشانه
عملتي حفلات خارجيه
جمعتي عمله ونقديه
إديتي بلدك ما بخلتي
علشان كده إنتي فضلتي
عنوان ورمز الشهامه
قدمتي أفلام للسينما
ف سلامه كنتي غنامه
المغنى كان زمنك إنتي
زمن الطرب والأصاله
صوتك ما فيش زي جماله
لمصر غنيتي أبدعتي
ف الدين قلوبنا زلزلتي
ف الحب همسك سهرناا
ف العشق صوتك بكاناا
يا كوكب الشرق رحلتي
وتراثك عايش وياناا
طارق شامخ عبد الجواد
