(مجلة كل الخواطر) إرتاح يا قلبي _ بقلم شاعرتنا المتميزه/ عزة وهيب

ارتاح يا قلبى...

ـــــــ....ـــــــــــ
تسهر يا قلبى مهما تسهر
وتفرح مهما تفرح
لا انت على الفراق بتقدر
ولا حاسس بالفرق
بين اللى يسعد ويجرح
ودايرة بيك الدنيا 
بين سواقيها 
تطحن فى ضلوعك
وبرضوة لساك
عايش فيها 
تغرق فى دموعك 
ومفيش مركب ترسى عليها 
وتبكى ياقلبى مهما تبكى 
مفيش حد هيمسح دمعتك
ولا حد هتقدر لية تشكى 
وهتفضل عايش فى وحدتك
خدها يا قلبى منى كلمة 
متستناش من الدنيا سعادة 
الدنيا مكنتش معاك ظالمة 
انت عشت زماااان سعيد 
واكتر وزيادة
ارتاح يا قلبى 
عزة وهيب ....